Home jaffna news பருத்தித்துறை காவல்நிலையத்தில் சந்தேகநபர் உயிர்மாய்க்க முயற்சி

பருத்தித்துறை காவல்நிலையத்தில் சந்தேகநபர் உயிர்மாய்க்க முயற்சி

பருத்தித்துறை காவல் நிலைய தடுப்பு காவலில் , தடுத்து வைக்கப்பட்டிருந்த குடும்பஸ்தர் ஒருவர் தனது உயிரை மாய்க்க முயன்ற நிலையில் காவல்துறையினரினால் காப்பாற்றப்பட்டு , யாழ்.போதனா வைத்திய சாலையில் அனுமதிக்கப்பட்டுள்ளார்.

பருத்தித்துறை காவல் நிலையத்தில் நேற்று புதன்கிழமை இரவு இடம்பெற்ற குறித்த சம்பவம் தொடர்பில் மேலும் தெரியவருவதாவது,

அல்வாய் பகுதியை சேர்ந்த குடும்பஸ்தர் ஒருவரே அவ்வாறு உயிரை மாய்க்க முயன்றுள்ளார்.

குறித்த நபர் தனது மனைவியை தாக்கியதாக அவரது மனைவி காவல்நிலையத்தில் முறைப்பாடு செய்திருந்தார். அதன் பிரகாரம் விசாரணைகளை முன்னெடுத்த காவல்துறையினா் குறித்த நபரை கைது செய்து , காவல்நிலைய தடுப்புக் காவலில் தடுத்து வைத்திருந்தனர்.

அந்நிலையில் குறித்த நபர் தடுப்புக்காவலில் , தனது சாரத்தினை கழட்டி , அதன் மூலம் தூக்குப்போட்டு , தனது உயிரை மாய்க்க முயன்றுள்ளார்.

அதனை கண்ணுற்ற காவல்துறையினா் அவரை காப்பாற்றி மந்திகை வைத்திய சாலையில் சிகிச்சைக்காக அனுமதித்தனர். அங்கிருந்து மேலதிக சிகிச்சைக்காக அவர் யாழ்.போதனா வைத்திய சாலையில் அனுமதிக்கப்பட்டுள்ளார்.

READ MORE >>>  A9 வீதியை முடக்கிய யாழ்ப்பாண மக்கள்!
Previous articleநாளுக்கு நாள் அதிகரிக்கும் ஆசிய ராணியின் மதிப்பு!
Next articleயாழ்.போதனாவில் சிகிச்சைக்கு வந்த மூதாட்டியின் நகைகள் திருட்டு!